7.12-8.16，夏日亲子电影节

今個暑假最Chill親子活動嚟啦！康文署電影節目辦事處喺7月12日至8月16日期間舉辦「夏日親子電影節」，為大家帶來超過40場精彩電影節目🎥，無論大人同小朋友都可以全情投入多姿多彩嘅影像世界！推介3大必睇精選電影節目，梗有一套啱你心水。

由風趣幽默嘅文仔哥哥（陳建文）主持嘅「世界動畫短片樂園」，搜羅20部國際動畫短片，組成三個唔同主題嘅節目包括「有情有義」、「咁表達都得？」同「好肚餓呀！」，劇情出人意表，保證令你捧腹大笑😹！互動環節仲可以同小朋友一齊玩，等佢哋放下電～

曾獲法國康城金棕櫚獎及凱撒獎動畫巨匠 Jean-François Laguionie執導嘅動畫長片《爸爸的神秘帆船》，以清新水彩畫風訴說一個窩心父子情與成長的故事。11歲男孩凡索瓦協助沉默寡言的爸爸喺花園建造一艘非一般的帆船⛵，適合家長同小朋友一齊思考夢想同堅持嘅意義～

來自西班牙嘅《小英雄西部大冒險》講述一對愛爾蘭小兄妹飄洋過海到美國，點知遇上西部大盜，展開一場鬥智鬥力嘅歷險之旅🐴！旅程中好在有聰明小狗同心地善良嘅神隊友幫手，劇情緊張又惹笑，絕對係今個暑假最「有驚無險」嘅親子電影！

西灣河文娛中心將會喺7月12日至13日一連兩日化身為「夏日光影奇幻之旅」遊樂場✨！小朋友可以喺光影童繪：藝術創作體驗區，同插畫家lulubeann一起發揮無限想像，齊齊畫畫再投影上螢幕🎨，仲有多部經典到全新兒童短片loop住俾你睇，以上活動全部免費，可以俾你玩足成日！

暑假親子活動一票難求🔥，宜家「小叮的新世界─親子定格動畫工作坊」尚餘少量門票，手快有手慢冇，即上城市售票網搶飛啦！

夏日親子電影節
📆日期：7月12日至8月16日
📍地點：香港電影資料館、香港大會堂、香港科學館、香港太空館及北區大會堂
🎬票價：$88
🎫購票：城市售票網

夏日光影奇幻之旅
📆日期：7月12日及13日
🕰️時間：上午11時至下午6時
📍地點：西灣河文娛中心 (西灣河港鐵站B出口)
💰價錢：免費入場(親子工作坊需另收費)

以上信息来自playeateasy